Manuel Lugod Elementary School

 

Nahibalo ka ba?

GABALDON BUILDING KASAYSAYAN
Please click this link: https://sentrypc.7eer.net/daB7r3

           Si kanhi Mayor Romulo Rodriguez Jr. nihinumdom nga ang Manuel Lugod Elementary School unya North Central School, maoy napili nga school site sa administrasyon sa iyang amahan. Matod niya, ang pamilyang Lugod ang naningkamot nga natukod ang Gabaldon Building tungod kay ang mga bata wala nay maadtoan sa ilang edukasyon.

             Si Ginoong Bebito Aniscal, usa ka Gingoog historian misulat nga si Don Manuel Lugod gikan sa Nueva Ecija unang miabot sa Jasaan, Misamis Oriental sa kataas sa rehimeng Espanyol. Naminyo na siya kang Gracia Valdevilla sa Bobuntogan, Misamis Oriental dihang nakadawat siya og imbitasyon nila ni Simon Teatro ug Konsehal Alejandro Gomez. Unya mibalhin siya sa Gingoog ug nahimong unang magtutudlo sa pribadong eskwelahan sa Kinatsila. Ang Manuel Lugod Elementary School gihinganlan sa iyang ngalan tungod kay ang ilang pamilya maoy nagdonar sa maong lugar. Ang unang classroom atubangan sa Gabaldon building mao ang unang andana sa iyang balay nga nahimutang sa eskina sa Rizal ug Condeza Streets.

 Ang libro ni Bebito Aniscal naghisgot nga ang Gabaldon school building nahimong garrison, sa dihang ang grupo sa mga sundalong Hapones miabot sa Gingoog gikan sa Davao atol sa gubat niadtong 1941. Unya naghimo sila og tunnel nga ang giladmon sama sa gitas-on sa usa ka tawo paingon sa Gahub River aron magsilbing ilang depensa. ug posibleng exit. Kini ang gikompirmar ni City Mayor Ruth Guingona, kinsa miingon nga sila (siya ug ang iyang igsuong babaye) mibisita sa maong dapit human sa gubat ug way mga bahandi nga nalubong ilawom sa tunnel sa Gabaldon building nga matud pa ni Mayor Romulo Rodriguez, ilang unang tunghaan atol sa iyang pagkabata.

                Usa ka pag-angkon sa kadaot sa 1947. gihisgutan ni Ginoong Aniscal, gi-base sa taho ni Daniel Maandig, ang School District Supervisor. Ngalan sa building: Intermediate school building, Gasto sa pagtukod – P2500, Kantidad sa panahon sa kadaot : P 2400, hinungdan ug petsa sa pagkaguba nahimutang.

               

                Nahilom ang libro ni Mr. Aniscal sa pagtukod sa unang elementarya sa Gingoog, apan naghisgot nga human sa gubat lain-laing elementarya ang natukod sa lain-laing baryo. Ang iyang gitutokan mao ang mga sekondaryang eskwelahan nga gitukod sa Gingoog, human gihapon sa gubat.